قضيت عمري كله بحبك فرحة الشاب بعروسه قبل اكتشاف خدعة أسرتها
قضيت عمري كله بحبك
فرحة الشاب بعروسه قبل اكتشاف خدعة أسرتها
بعد كتب كتابه.. عريس يظهر في مقطع فيديو يبكي بسبب القائمة: مضوني على بياض وغدروا بيا وكسروا فرحتي والمأذون قالي ده أنت بتمضي على موتك
بعد كتب كتابه.. عريس يظهر في مقطع فيديو يبكي بسبب القائمة: مضوني على بياض وغدروا بيا وكسروا فرحتي
الفيديو بدأت بالعريس ظهر باكيا قائلا: حسبي الله ونعم الوكيل فيكم أنا مكنتش أصدق أن ممكن حد يعمل معايا كده والفيديو ده موجه لوزارة الداخلية وقضاة مصر.
وتابع: أنا عريس اتكسر فرحتي واضحك عليا واتغدر بي يوم كتب كتابي والمصحف ده والمصحف ده كلام أشهد عليه أمام ربنا أن كل كلمة هتطلع مني صدق ومش هكدب في ولا كلمة بقولها.
وأضاف: يوم كتب كتابي قعدنا كلنا عشان نكتب الكتاب وكتبنا الكتاب وقعدت اسال الماذون إيه الورق الكتير ده انا مش عاطي خوانة طبعا وبتعامل بأصلي الماذون مش عايز يقولي أي حاجة خالص.
وتابع: وكتبنا الكتاب وفرحنا وعيطنا وروحنا نمنا صحيت الفيديوهات اتبعتتلي ولقيت نفسي بمضي على قايمة على بياض.
وتابع: الكلام ده بدون علمي بدون علم أهلي بدون علم أبويا اللي كان معاهم من أول اليوم حتى محدش بلغه بأي حاجة ولا حد عرفه أنا همضي على إيه، يعني ابنه هيمضي على إيه، يعني تكتب فيها اللي أنت عايز تكتبه وأنا توديني في داهية.
وأضاف: أنا معايا الاثباتات اللي بتثبت كل كلمة بقولها ومعايا المأذون اللي كان بيخبي صورة القايمة، ورقة القايمة كان عمال يمحيها مش عايز يوري أي حد أنا بمضي على إيه، والمصور عمال يقوله نزل الشنطة نزل الشنطة وهو مكنش عايز ينزل الشنطة وقاصد يرفع غطا الشنطة عشان يداري الورقة تماما ويختفي الورقة اصلا واقوله يا شيخ بتمضيني على إيه يقولي امضي ده أنت بتمضي على عمرك وموتك قسما بالله ده حصل.
قائمة المنقولات على “بياض” باطلة بأمر القضاء.. نقلا عن “برلماني”
رصد موقع “برلماني”، المتخصص في الشأن التشريعى والنيابى، فى تقريرا له تحت عنوان “القايمة على بياض.. باطلة بأمر القضاء”، استعرض خلاله حكما قضائيا نهائيا صادر من محكمة استئناف القاهرة – دائرة طعون نقض الجنح – تصدت فيه لأول مرة لأزمة “القائمة الزوجية على بياض”، ورسخت فيه لمبدأ يتعلق بقضايا تبديد المنقولات الزوجية التي تكتظ بها المحاكم، حيث قضت ببراءة الزوج من تهمة تبديد المنقولات الزوجية استنادا إلى أن بيانات صلب القائمة تعرضت للتعديل والإضافة في ظرف كتابي لاحق للتوقيع عليها، كما ورد بتقرير قسم أبحاث التزييف والتزوير بمصلحة الطب الشرعي، ,إليكم التفاصيل كاملة:
“القايمة على بياض.. باطلة”.. “النقض” تقضى ببراءة زوج من تهمة تبديد المنقولات الزوجية.. المحكمة تستند لـ”الطب الشرعى”.. والتقرير: بيانات القائمة تعرضت للتعديل والإضافة فى ظرف كتابى لاحق للتوقيع عليها
